Ekainaren 3ko (ostirala) arratsaldean abiatuko dira Tolosatik Riaño herrira; 4 ordu inguruko bidaia izango da. Ekainaren 4an, Pico Yordas mendira igoko dira, Liegos herritik abiatuko duten ibilaldian; 5 ordu inguruko itzulia izango da, 840 metroko desnibel metatuarekin. Hurrengo egunean, Pico Gilbo mendira igoko dira, Riañotik abiatuta; 4 ordu inguruko itzulia izango da, 640 metroko desnibel metatuarekin. Irteeran parte hartu nahi dutenek, oargimendi@gmail.com helbidera mezua bidali behar dute, astelehena baino lehen. Izena ematearekin batera, 10 euro ordaindu beharko dituzte.