Haragi Fest izena hartu du asteburu honetan Zumarditxikiak, eta hala gozatu dugu hiru egunez. Hainbat foodtruck edo janaria zerbitzatzen dituzten furgoneta izateaz gain, kontzertuak ere eskaini dituzte bertan, baina gaur azkenekoz izango da martxan. Hortaz, gaur Haragi Fest guneak bere martxa jarraituko du arratsaldeko 16:00ak arte, eta ordura arte DJ Makalak eskainitako saioaz gozatzeko aukera izango da. 13:30ean hasita, Haragi menu berezia dastatzeko aukera ere izango da Tolosako erretegietan.