Udaberriko Ligaren barruan sartzen da San Juan Saria. Aurretik ekainean antolatzen zen torneoa, baina liga barruan sartzerakoan gaur gaurkoz maiatzean egiten da. Liga horretako bigarren proba da Tolosakoa, eta lehenengoa Irunen egin zen, San Marcial Saria. Bi proba hauek A mailaren barruan daude, hau da, eskatzen den gutxieneko markak egin dituzten igerilariek parte hartzen dute bertan. Igeriketa egutegiko proben erdiak egingo dira, San Marcial Sarian egin ez zirenak, hain justu. Ligaren hirugarrengo proba Gipuzkoako Open Saria izango da.
Guztira sei sari nagusi banatuko dira San Juan Sarian. FINAko puntuazioa kontuan hartuta egingo da sailkapena, eta lehenengo sei igerilariek jasoko dute saria. Sailkapen orokorra izango da, eta ez da, beraz, emakumezkoen eta gizonezkoen aparteko sailkapenik egingo.
Tolosaldea IKT igeriketa taldeak antolatuta, larunbat goizean San Juan Saria izango da jokoan Tolosako Usabal igerilekuan. 10:00etan hasiko da lehia eta guztira Gipuzkoa osoko 120 igerilari inguruk hartuko dute parte, horietatik 27 etxeko taldekoak. Infantiletatik hasi eta absolutu maila arteko igerilariak izango dira Usabalen.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!