Tolosaldeko Bihotzetik elkarteak, Gipuzkoako gainerako eskualdeetako talde gehiagorekin elkarlanean, heriotzari buruz hausnartzeko 42 saio desberdin antolatu ditu Donostian, Orion, Zarautzen, Elgoibarren eta Tolosan.
Horietatik lau Tolosan izango dira. Astelehenean izango da lehen saioa, kultur etxean. Itsaso Domingez psikologoak doluaren prozesu naturalari buruzko hitzaldia eskainiko du. 18:30ean hasiko da, eta doan bada ere, beharrezkoa da aurrez izena ematea, Bihotzetik.org webgunean edo 656 748 391 telefono zenbakira WhatsApp mezua bidaliz.
Hurrengo hitzorduak
- Ekainak 3, ostirala
- 18:30. Heriotza duina - Muerte digna hitzaldia, euskaraz eta gaztelaniaz, kultur etxean.
- Ekainak 17, ostirala
- 18:00. Zine foruma, kultur etxean, elebitan: Mendian hil, herrian hil filma.
- Ekainak 21, asteartea
- 18:30. Bizitzen ikastea, hiltzen ikastea - Aprender a vivir, aprender a morir solasaldi informatiboa, gaztelaniaz, kultur etxean.