Arabako lurretan izango da mendi txangoa, Gasteiz hiriaren mendebaldean. Apodaka 150 biztanle inguruko herri txiki bat da, Kuartango-Zuhatzu herriak, berriz, 400 biztanle ditu.
Bi ibilbide izango dira: luzea (7 ordu, 25,4 kilometrokoa eta 940 metroko desnibel metatua), eta ez hain luzea (6 ordu, 20,8 kilometrokoa eta 784 metroko desnibel metatua). Ibilbide ez hain luzean, Amaritu (787 metro), Armikelo (888 m.), Ganalto (898 m.) eta Pikatxo (865 m.) mendietara igoko dira. Luzean, aipatutakoez gain, Pititurri (1.016 m.) mendira ere igoko dira.
7:30ean irtengo dira San Frantzisko eliza ondoko autobus geltokitik. Bazkideek 13 euro ordaindu beharko dute; gainerakoek, 15 euro. Informazio gehiagorako eta izena emateko, Alpinouzturre.eus webgunean, info@alpinouzturre.eus helbidera mezua bidali, edo 943 652 789 telefono zenbakira deitu behar da.