Maiatzaren 13an, ostirala, abiatuko dira Linza aterpera (arratsaldean). Bertan egingo dute lo, eta larunbatean, Hiru Erregeen Mahaia mendira igoko dira; 6-7 ordu inguruko ibilaldia izango da. Igandean, Petritxema mendira igoko dira; kasu honetan, 5-6 ordu ingurukoa izango da igoera. Kranpoiak eta pioleta eramatea beharrezkoa dela ohartarazi dute.
Aurrez eman behar da izena, eta gainera, 20 euroko ordainketa egin behar da; astelehen iluntzean, 20:30ean amaituko da epea. Izena emateko edo informazio gehiago nahi izanez gero, oargimendi@gmail.com helbidera mezua bidali edo 688 698 642 telefono zenbakira deitu behar da.