EAEko lehen mailako ordezkari bakarrak izateaz gain, gorengo mailako txapelketa irekitzeko ardura izan zuten. Mara Herrera, Aitane Goikoetxea, Ismene Agirre, Ane Alustiza eta Irene Arbeloa «bikain» aritu ziren, eta «tapizean gozatzeaz gain, ikusleak hunkitzea lortu zuten», azaldu dute klubetik. 25,050eko notarekin, beste talde guztien lanaren emaitzari itxarotea egokitu zitzaien. Nafarroako Alaia taldeak itxi zuen txapelketa, eta 23.500 punturekin tolosar nesken atzean kokatu ziren.
Klubetik gimnastak eta entrenatzaileak zoriondu dituzte, «une zailetan ere aurrera egiteagatik». Lortutako garaipena gimnasta, entrenatzaile, familia eta klubarentzat "bultzada paregabea" dela gaineratu dute. Bestalde, aipamen berezia egin diete klubeko babesle guztiei, "beraien laguntza ezinbestekoa" dela esanez: Valvulas CMO, Pulidos Leunlan, Garaje Tolosa, Mecanizados Garmendiola eta Udarko Promo.