Auzitegi Konstituzionalak ebatzi du GALek 1983. urtean eraildako Joxi Zabalaren amak ordaindu beharko dituela familiak terrorismoaren biktimen legean aurreikusitako kalte ordain osagarria ez jasotzeko erabakiaren aurka jarritako helegitearen kostuak. Ondorioz, Zabalaren amak 9,256,02 euro ordaindu beharko ditu.
Auzitegi Konstituzionalak terrorismoaren biktimei dagozkien laguntzetik kanpo utzi zituen Lasa eta Zabalaren senitartekoak, eta senitartekoek helegitea jarri zuten horrek errugabetasun-presuntzioa urratzen duela esanaz, inoiz ez baitzen frogatu eraildakoak ETAko kideak zirenik. Auzitegi Konstituzionalak esan du ez dagokiela kalte ordainik biktimak "delinkuentzia antolatuan parte hartzen badu edo indarkeriazko delituak egiten dituen erakunde bateko kide bada".