Triangulo plazatik irten eta Tolosako kaleen barrena murgildu dira mobilizazioan parte hartu duten gazteek. Tolosaldeako Kontseilu Sozialistak deituta, Krisi kapitalista garaian sozialismoa eraikitzen lelopean sozialismoaren gaurkotasuna aldarrikatu dute. Izan ere, sozialismoak boterea eskuratutako herrialdeetan “oparotasun ekonomikoa, kalitatezko hezkuntza, abortatzeko eskubidea, lan baldintza duinak edota bazterretako subjektuentzako eskubideak urte luzez existitu izan zirela” aipatu dute kontseiluko kideek.
Sozialismoaren eraikuntza ekonomikoa ez amaitzearen eta beste hainbat faktoreren ondorioz langileriak "inoizko porrotik gogorrena pairatu” du, eta, beraz, “proletarioa albo-kateak sufritzen ari dela” gaineratu dute. Gaur egungo egoera krisialdi kapitalistak ezaugarritzen duela diote, gainera, egoera langile klaseak ordaintzen duelarik. Horregatik, Maiatzaren Lehena probestu nahi izan dute “langileria iraultzailearen memoria gurera ekarri, egungo proletalgoa borrokara deitu eta kontseilu sozialistak ezagutarazteko".