Derbi eguna zen gaur Tolosan. Tolosalak Laskorain taldea hartu du etxean, Uzturpe pilotalekuan. Partida hasi baino minutu batzuk lehenago, 2014az geroztik Tolosalako jokalaria izan den Mikel Alonso omendu dute. Elastiko bat eta txapela bat oparitu dizkiete taldekideek, datorren urtean ez duelako futbolean jarraituko. Pilotalekuko horma batean ere, Eskerrik asko Kapi zion pankarta bat ipini dute.
Oraindik denboraldia amaitzeko partida batzuk geratzen badira ere, gaurko derbia aukeratu dute omenaldirako, izan ere, Laskorain taldean ere aritutakoa da Alonso. Aldeko emaitza lortzerik ez du izan ordea, 1-3ko emaitzarekin irabazi baitu Laskorainek.