Aurrera jarraitzen dute Paper kalea eraberritzeko lanek. Hala, astelehenetik aurrera zorua egonkortzeko eta asfaltatzeko lanak egiten hasiko dira, eta horrek eragina izango du trafikoan: astelehenetik aurrera eta lanek irauten duten bitartean kalea itxita egongo da trafikoarentzat.
Lanak hegoaldetik hasiko dira, Paper Eskola eta etxebizitzak dauden eremutik, eta ondoren egingo dira iparraldeko eremuko lanak, autobus geltokia dagoen eremuan, zehazki. Hegoaldeko zatiko lanak egiten diren bitartean garajeetarako sarbidea itxita egongo da. Bizilagunen artean ahalik eta eragozpen gutxien sortzea da helburua, eta horregatik hasiko dira lanak hegoaldeko eremutik, garajeetarako sarbidea ahalik eta azkarren ireki ahal izateko.
Autobus zerbitzuan ere eragingo dute lanek, eta Bidaniara doan autobusak eta Hirubusak bakarrik izango dute sarbidea. Lanek gehienez 10 eguneko iraupena izatea aurreikusten da, beti ere eguraldiaren arabera.