Haragi Txingarraren eta Haragiaren Nazioarteko Topaketa bueltatuko da aurten. Maiatzaren 19tik 22ra egingo dute eta lehen ekitaldia Basque Culinary Centerren egingo duten profesionalei zuzendutako biltzar bat izango da. Casa Julianen Madrileko erretegian aurkeztu dute. Aurreko edizioetan bezala herritarrei irekitako ekitaldiak bilduko ditu ere Haragik.
Eusko Jaurlaritzak, Basque Culinary Centerrek eta Tolosako Udalak sustatzen dute Haragi topaketa eta maiatzaren 19tik 22ra egingo dute. Udalak esan du aurrerago zehaztuko duela egitaraua, baina aurreratu du profesionalei zuzendutako biltzar batekin hasiko dela topaketa. Maiatzaren 19an izango da Donostiako Basque Culinary Centerren eta besteak beste, Florencia Abella, Pablo Rivero, Luis Alberto Lera, Jose Gordón, Guijarro anaiak edota Edorta Lamo sukaldariak izango dira bertan. "Hala ere, ez dira Espainiatik eta mundu mailatik etorriko diren bakarrak izango, noski, gastronomia euskaldunaren eta parrilla tolosarraren ordezkariek ere ez dute hutsik egingo".
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
