Errepide-sareari eragin diezaioketen lur-mugimenduen jarraipena egiteko Bide Azpiegituretako Departamentua tresna geoteknikoak instalatzeko obrak egiten ari da. Hala, martxoaren 12tik 13ra bitarteko asteburuan egindako lanei jarraipena emango zaie larunbatean eta igandean.
Hain justu, N-I errepideko 436+325 KParen parean, Gasteizerako noranzkoan egingo dituzte lanak, Santa Lucia gruak edo hiltegia kokatuta dauden industrialderako sarbidean. Obrek irauten duten bitartean, N-I errepidearen eskuineko erreia moztu egingo dute Gasteizerako noranzkoan, 200 metro inguruko tartean.
Hortik aurrera, obren behin-behineko seinaleak desmuntatuko dira, eta Gasteizerako noranzkoko galtzadako zirkulazioa irekiko da; hala, ohiko zirkulazio baldintzetara itzuliko da zirkulazioa N-I errepidearen tarte horretan, tresna geoteknikoak ezartzeko lanak amaituta.