Furgobaratzak tomateari buruzko tailerra eskainiko du Tolosako Iurramendiko baratze parkean, apirilaren 20an, 18:00etatik 19:30era. Tomateak osasuntsu edukitzeko kontuan hartu beharrekoak azalduko dituzte.
Tailerra doakoa izango da, eta baratzeetako erabiltzaileez gain edonork parte hartu ahalko du. Gainera, Furgobaratza zerbitzua ere izango dela jakinarazi dute (aholkularitza baratzeko gaietan, plantel eta hazi ekologikoak…). Parte hartzen dutenei tomate landareak oparituko dizkiete.
Maiatzaren 18an, ekainaren 15ean, uztailaren 12an, irailaren 21ean eta urriaren 19an izango da Tolosako baratze parkean Furgobaratza, 18:00etatik 19:30era.