Dantzak atertu du

Goizean eguraldiak gehiegi lagundu ez badu ere, haur eta gazteek, ilusioz ekin diote Udaberri dantza taldearen XV. Dantzari Txiki Egunari. Tolosara gerturatu diren 200 haurrek, lehen orduetan behintzat, aterpea bilatu behar izan dute dantzarako. Festari aurre egiteko modua topatu dute antolatzaileek.

Plaza Zaharrean elkartu eta gero, Tolosako kaleak euskal doinu, dantza eta tradizioz jantzi dituzte haur eta irakasleek. Euskara ere ez da falta izan, adi zegoenaren belarrietara euskalki ezberdinak ere iritsi dira. Izan ere, Euskal Herriko txoko ezberdinetatik gerturatu dira gaurkoan Udaberri dantza taldearen gonbitari erantzunez. Hendaiako (Lapurdi) Akelarre, Iruñeko (Nafarroa) Muthiko Alaiak, Errenteriako (Gipuzkoa) Ereintza eta Algortako (Bizkaia) Itxaurtu taldeko haurrek Tolosa izan dute dantzarako plaza.

Arratsalderako hitzordua

Oraindik orain, eguna luzea da eta dantzarako aukera izango dute Udaberri dantza taldeko dantzariek zein gonbidatuek. Izan ere, 16:00etan hasita, plaza dantzen emanaldia izango da, Plaza Berrian. 

Eta jarraian egunaren bigarren zatiari hasiera emango diote, helduagoentzako hitzordua izango denarekin: Erromeria. Fanfarreak alaituta, poteo musikatuari ekingo diote 19:00etan. Eta festak ez du etenik izango: herri afaria, Zerkausian; erromeria Laket taldearekin eta Larrain dantza, gauerdian, izango dira.

Urtero bezala, Udaberri dantza taldeak, Erromeriara baserritarrez jantzita joateko deia luzatu die parte hartzaileei.

Erlazionatuak

Dantzari Txiki Eguna

Tolosa

Udaberri dantza taldeak antolatuta XV. Dantzari Txiki Eguna ospatu dute Tolosan. Talde gonbidatuak ere izan dira: Hendaiako (Lapurdi) Akelarre, Iru...

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!