Tolosako EH Bilduk goizean mahaia jarri du Gaztelako atearen gerizpean. Helburua herritarrei gonbita luzatzea datorren apirilaren 17an, igandean, Iruñean ospatuko den Aberri Egunerako.
"Amaiurreko batailaren 500. urteurrena eta I. Aberri Egunaren 90. urteurrena dira aurten, arrazoi sendoak aurtengoan ere Euskal Errepublika aldarrikatzeko". Postuan bertan, Ikurrinak eta Nafarroako banderak saldu dituzte: herritar oro gonbidatuz bertaratu eta "Aberri Egunerako balkoi zein leihoak apaintzeko gure ikurrak erostera".
Xiri-Miri eta Amaiur tabernetan daude autobus zerrendetan izena emateko aukera.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!