Aste Santurako Palentziako mendietara irteera antolatu du Oargi Mendi Elkarteak. "Duela bi urte antolatu genuen eta bertan behera geratu zen", esan dute. Apirilaren 14an, osteguna, goizez irtengo dira, eta apirilaren 18an, astelehena, itzuliko dira. Tres Provincias (2.497 metro), Peña Prieta (2.543 metro) eta inguruko beste gailur batera igotzea da elkarteko kideen asmoa, eguraldiaren arabera.
Triollo herriko Curacavas aterpetxean igaroko dituzte gauak, baita gosaldu ere; afariak ondoko jatetxe batean egingo dituzte. Egunean zehar jatekoa norberak berea eraman beharko du. Bertatik, kranpoiak eta pioletak eramatea eskatu dute. Izena emateko, oargimendi@gmail.com helbidera idatzi edo 688 698 642 telefono zenbakira deitu behar da; azken eguna apirilak 11 da. Izena ematearekin batera, 20 euroko ordainketa aurreratua egin behar da.