Gastronomiaren 100 talentu gazteak aurkeztu ditu beste behin Basque Culinary Center-ek. 100 pertsonaz osaturiko zerrendan, hamahiruk Gipuzkoan egiten dute lan, eta tartean bada Tolosaldekorik ere: Tolosako Isastegi sagardotegiko Joseba Lasa.
2020an aurkeztu zuen lehen aldiz Basque Culinary Center-ek Gastronomiaren 100 talentu gazteak ekimena. Atzo egin zuten ekitaldian bigarren zerrenda eman zuen jakitera. Ekimenak gastronomiaren arloan berrikuntzan eta ekintzailetzan dabiltzan estatu mailako gazteak errekonozitzea du helburu.