Ertzaintzak 39 urteko gizon bat atxilotu du bart, lan egiten duen Tolosako jatetxean drogarekin trafikatzea leporatuta. 22:30ak aldera gertatu zen atxiloketa. Ertzaintza ostalaritza gunera bertaratu zen, "lokala substantzia sorgorgarriekin trafikatzeko erabiltzen ari zirela jakin ondoren".
Lekuan agenteek langile bat identifikatu zuten, lokala ikuskatu zuten, eta bere gauzen artean hauts zuri bat, ustez anfetamina sulfatua, speeda, zuen poltsa bat aurkitu zutela adierazi dute, bai eta substantzia bera zuten eta saltzeko prest zeuden banakako dosiak eta bi doitasun-balantza ere. Atzemandako substantziak guztira 100 gramo pisatzen zuen.
Egitate horien aurrean, Ertzaintzak atxilotu egin zuen inplikatua droga-trafikoa leporatuta, eta jarraian polizia-egoitzara eraman zuen dagozkion eginbideei hasiera emateko. Espero dute horiek amaitutakoan jarriko dutela Tolosako Guardiako Epaitegiaren eskuetan.