Hodeiertz abesbatza eta Arimaz orkestra elkarrekin ariko dira hurrengo larunbatean, apirilaren 9an, Tolosako San Frantziskon, 20:15ean hasita eskainiko duten kontzertuan. Bertan, Gorritiren Miserere meza kantatuko dute, eta baita bere Christus factus est pieza eta Hilarion Eslavaren 2. Salvea ere. Beraiekin batera, gainera, Ordiziako Oroith abesbatza ere ariko da. Gorritiren Miserere hori da, hain justu, Tolosan gehien entzun dena, bai Santa Maria parrokiako elizkizunetan, bai eta kontzerturako bertsioan ere.
Hodeiertz abesbatzako zuzendari Enrike Azurzak zuzenduko du emanaldia.