Donostian hasi eta Hondarribian bukatzen da ibilbidea, guztira 30,8 kilometrokoa eta 1.300 metroko goranzko desnibelarekin. Gizonezkoetan Julen Azkue tolosarrak 2.17.56ko denbora behar izan zuen proba bukatzeko; bigarren Martin Diez segurarra izan zen (2.20.02) eta hirugarren Chakib Lachgar errenteriarra helmugaratu zen (2.20.13).
Emakumezkoetan, Laiane Arrospidek 3.02.19ko denbora egin zuen podiumera igotzeko, eta bere aurretik oso tarte laburrean sartu ziren lehen bi sailkatuak: Saioa Arkonada oñatiarra (2.56.56) eta Lurdes Oiartzabal lezoarra (2.57.17).