Ostiral arratsaldean abiatuko dira Tolosatik eta Casa de piedra aterpean egingo dute lo; larunbatean ere bertan igaroko dute gaua. Larunbateko gosaria eta afaria zein igandeko gosaria prezioaren barruan sartzen dira; ostiraleko afaria norberak eraman behar du. Larunbatean, Garmo Negro mendira (3.066 metro) igoko dira; igandean, berriz, bacias (2.760 metro). Bi egunetako ibilaldiak 7-8 ordu ingurukoak izango direla aurreratu dute elkartetik.
Eraman beharreko materialari dagokionez, kranpoiak eta pioleta eramatea aholkatu dute. "Erraketak eraman edo ez aurrerago zehaztuko dugu, elurraren arabera. Mendiko eskiekin igotzeko aukera ere egongo da". Aterperako, berriz, lo zakua eraman behar da. Izena emateko orduan 20 euroko fidantza jarri behar da, oargimendi@gmail.com helbide elektronikora idatziz edo 688 698 642 telefono zenbakira deituz. Izena emateko azken eguna astelehena (martxoak 28) da.