Kukubiku Kantak I lana aurkeztuko dute bihar, Tolosako San Frantzisko elizan, 20:00etan hasita. Gipuzkoako Abesbatzen Federazioak haur abesbatzekin sorturiko lana da, eta esan dutenez, euskal kantu zaharren 20 moldaketa berri jasotzen ditu. Bada, biharko kontzertuan lana aurkeztuko dute, eta liburuaren aurkezpena ere egingo dute.
Andoaingo Musika Eskolako Abesbatza, Arrasateko Goikobalu Txiki Abesbatza, Bergarako Musika Eskolako Abesbatza, Donostiako Ekoik Abesbatza, Hernani Musika Eskolako Abesbatza, Ordiziako Oroith Txiki Abesbatza eta Soraluzeko Haur Abesbatza dira lan honetan parte hartu dutenak, eta bihar, San Frantzisko elizan bertako gaztetxoak ariko dira kantuan.
Hain justu, 150 haur baina gehiagok hartuko dute parte, eta guztien zuzendari lanetan, Junkal Guerrero, Katrin Iturralde, eta David Azurza ariko dira. Pianoan, berriz, Amaia Aldalur izango da.