Pertsona batzuek badute
gu berpizteko ahalmena
grina, indarra, sormena
baitituzte haien bertute
bizipen txuri beltzak
janzten dituzte kolorez
adorez bizitza eraikiz
oinazearen magalean;
borobilagoak dira ertzak
barne mundu askean
lurralde guztietan
ikur bihurtzen dira
eta beste hainbaten
eredu diren harira:
zenbat Kahlo, zenbat Frida
aukera berriei begira…
milaka edo milioika,
mundu osoan borborka
hara guztion erronka:
aska daitezela sokak,
berdindu denen ahotsak;
eman ditugun urratsak
oso dira aberatsak
baina ez dira nahikoak
lanean jarrai dezagun
gauzak aldatzeko, lagun
ea noizbait lortzen dugun
eredu ditugun horiek
IKUSI NAHIko luketen
mundu bat eraiki, zeren
oraindik, han eta hemen,
gaur egungo bazter asko
ez ikustea nahiago.