#HELErregularizazioaGipuzkoa ekimenarekin bat eginez, Jatorkin elkartea sinadurak jasotzeko puntu finkoa bihurtu da (Larramendi, 9). Estatu mailako ekimena da, 500.000 pertsona etorkinen erregularizazioa lortzeko helburua du. Espainiar nazionalitatea izan eta hemezortzi urtetik gorakoek sinatzeko aukera izango dute.
Sinadura horiek guztiak bilduz gero, Espainiako Parlamentuan 500.000 pertsonen erregularizazioa aztertzea lortuko litzateke. Honela, gizaki bakoitzaren oinarrizko eskubideak aintzat hartzea lortuko litzateke, Jatorkin elkarteak azaldu bezala. Kontrara, irregulartasunak lan esplotazioa, erakundeekiko ikusezintasuna, legezko babesik eza edo funtsezko zerbitzu publikoetatik baztertzea dakar, hezkuntza eta osasuna barne.
Legezko ez izateak gizarte osoari kalte ere ekartzen diela gogora ekarri du Jatorkinek: "Gizarte osoarentzako ekarpen ekonomiko eta fiskal handia galtzea".
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
