Gomazko paletako banakako lehendabiziko finalak izango dira ikusgai, bihar, Ezker Hormako Kluben Arteko Gipuzkoako Txapelketan. Buruz buru zazpiaren barruan aritu dira jokatzen eta, hain zuzen ere, bihar bukatuko da txapelketa, Tolosan antolatutako finalekin. 19:15ean hasiko da jaialdia: lehenik, Orio klubeko bi pilotarik nagusien 2. mailako finala jokatuko dute; eta ondoren, Tolosako eta Behar Zanako ordezkari bana lehiatuko dira, 1. mailakoan.
Hauxe aurreikusitako jaialdia: otsailak 19, larunbata, 19:15ean, Tolosako Beotibar frontoian
1. Gomazko paleta banaka 7aren barruan, nagusiak 2. maila: Orio (Iban Aldalur) / Orio (Aritz Lertxundi)
2. Gomazko paleta banaka 7aren barruan, nagusiak 1. maila: Tolosa (Mikel Goitia) / Behar Zana (Aratz Luisa)