Ikastaroa goizean zehar egingo dute Oargin bertan eta ondoren bazkaltzeko elkartuko dira elkarte gastronomikoan. Iñaki Alonso Indio aste honetan hil da eta Akerbeltz espeleologia taldeko kide nabarmena izatez gain, Nafarroako Sakon Espeleologia Taldeko eta Oargi Mendi Elkarteko kidea zen.
Irteera, Pirinioetara
Bestetik, Oargi Mendi Elkarteak, irteera antolatu du Pirinioetara. Otsailaren 4an, arratsaldean, irtengo dira Tolosatik, eta hilaren 6an itzuliko dira. Chipeta eta Ezkaurre Txikia mendietara igotzea da asmoa; biak ere, sei ordu inguruko ibilaldiak direla aurreratu dute elkartetik. Parte hartzera animatzen direnek, Linzako aterpean egingo dute lo. Materialari dagokionez, kranpoiak eta pioleta eramatea beharrezkoa dela adierazi dute; elurraren egoeraren arabera, aurrerago zehaztuko dute erraketak beharrezkoak diren ala ez.
943 675 612 edo 688 698 642 telefono zenbakietara deituz edo oargimendi@gmail.com helbide elektronikora mezua bidaliz eman daiteke izena; urtarrilaren 31 da horretarako azken eguna.