2023ko Tolosako Egutegia osatuko duten argazkiak aukeratzeko Tolosanklisk argazki lehiaketaren aurtengo gaia erabaki du Tolosako Udalak: Tolosa, kulturaren plaza. "Azken urteetan, Tolosa erreferente bihurtu da kultura arloan, eta herrian egiten diren kultur ekintzek duten garrantziari aitortza egin nahi zaio gaiaren bitartez", adierazi dute udaletik.
Urtero bezala, herritarrek Tolosanklisk.tolosa.eus webgunearen bidez hartu ahal izango dute parte lehiaketan. "Lanak aurkezteko epeak eta lehiaketaren oinarriak aurrerago emango dira jakitera, baina dagoeneko tolosarrak argazkiak ateratzen eta prestatzen hasi daitezke", gaineratu dute.