Euskal Herriko Gazte Orkestrak kontzertu bereziak eskaintzeko asmoa zuen datozen egunetan, neguko programari hasiera emateko. Hilaren 31n, Urtezahar egunean, Tolosako Leidor aretoan eskaini behar zuten kontzertua. Horrez gain, urtarrilaren 2an Donostian, 3an Bilbon eta 4ean Gasteizen ziren aritzekoak. Hala ere, COVID-19 gaitzaren positibo kasuak atzeman dituzte musikarien artean, eta beraz, bertan behera utzi behar izan dituzte kontzertu guztiak. Tolosako saiorako sarrera erosita zutenek, Leidorreko leihatilara joan beharko dute, dirua jasotzeko.
Hona Euskal Herriko Gazte Orkestrak Facebookeko bere orrialdean argitaratutakoa: