Uztailaren 27an, Farmazia Zuzendariak aipaturiko eremuan botikina jartzea bidezkoa ez zela ebatzi ondoren, ebazpen honen aurkako errekurtsoa jarri zuen udalak. Udalak aurkeztutako dokumentazioa aztertu ostean, Tolosa farmazia bulegoz hornituta egonda ere, urruntasunagatik eta gertuen dagoen establezimenduarekin harremanetan jartzeko zailtasunagatik, ontzat eman zen botikina ezartzeko eskaria eta urtarrilaren 5ean onartu zen ezarritako errekurtsoa. Gauzak horrela, Eusko Jaurlaritzak botikina jartzeko baimena eman zuen urtarrilaren 14an.
Amarotzen kokatutan zegoen farmazia Larramendi auzora lekualdatu ostean, Amarozko Auzo Elkarteak eskatuta, Tolosako Udalak Amarotz auzoan botikina jartzeko egokitasuna baloratzeko eskaera egin zion Osasun Sailari 2020ko urtarrilaren 29an.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!