Urteroko hitzorduari huts egin gabe, Olentzero eta Mari Domingi bisitan etorri dira Tolosara. Iaz bezala, aurten ere San Esteban auzoan kokatuta dagoen Gure Zirkuko karpan izango dira gaztetxoen eskutitzen esperoan. Herritarrek, egun guztian zehar, txanda desberdinetan gerturatzeko aukera izango dute, baina, ezinbestekoa izango da gonbidapena eramatea, Bibe plataformatik lortu daitekeena.
Horrez gain, bertaratzen direnek Tolosako erraldoiekin argazkiak egiteko aukera ere izango dute.