2022ko urtarrilaren 23rako aurreikusita zegoen XXXIV. Ero-Etxe Krosa egitea. Antolatzeko behar den azpiegitura guztia martxan jartzeko unea iritsi dela eta, hainbat bilera egin ondoren "COVID-19ak eragindako egungo egoera" aztertu da, eta horren ondoren hartu dute krosa bertan behera uztearen erabakia. Aurtengoa, 2021eko urtarrilean egitekoa zena, bertan behera geratu zen. Beraz, bi urtez jarraian ez da egingo krosa.
Antolakuntzatik eskerrak eman dizkiete kolaboratzaile guztiei emandako laguntzarengatik eta baita Tolosako Udalari ere. "Espero dugu laster normaltasun berria ezarri ahal izatea, eta gogo eta ilusio berarekin hartuko dugu 2023. urteko edizioa", azaldu dute Ero-Etxe Elkartetik.