Urtea bukatzeko, Hegats Igeriketako Espainiako Federazioak kontrol saioak antolatzen ditu, munduko txapelketara joateko aukera duten igerilarientzat. Proba horietan, Espainiako bi errekor berri ezarri ditu Irati Lakunza igerilari tolosarrak: 400 metrotako ur gaineko proban, 3.18,59ko denborarekin, eta 400 metrotako eskafandra proban, 3.11,44ko markarekin. Kolonbian jokatuko den Munduko Txapelketara joateko "aukera handia" duela adierazi dute bere prestatzaileek. "Fadurako (Getxo) entrenamendu gogorrak emaitza ederrak ematen ari dira", gaineratu dute.