Tolosaldea IKTko igerilariez gain, Azpeitia, Zarautz, Hernani, Lasarte eta Donostiako Fortuna taldekoak izango dira lehian.
Bi txandatan lehiatuko dira igerilariak, eta antzeko proba izango du bakoitzak. Txikienak hasiko dira lehendabizi, eta 50 metroko probetan parte hartuko dute, igerilari bakoitzak aukeratu duen estiloan. Ondoren, handienek parte hartuko dute, eta hauek 100 metroko probak izango dituzte. Azkeneko saria orain bi urte egin zen, eta orduan 300 igerilaritik gora izan ziren Usabal igerilekuan.