Imanol Rojo eskiatzaile tolosarrak 46. postuan amaitu zuen larunbatean Norvegiako Lillehammer herrian ospatutako Munduko Kopako proba. Rojok 34 minutu eta 29 segundoko denbora behar izan zuen skating estiloan, 15 kilometroko proba amaitzeko. Norvegiarrak izan ziren nagusi larunbateko lasterketan eta lehen hiru postuak eskuratu zituzten. Helmugan Simen Hegstad Krueger irabazleak baino bi minutu eta bi segundo gehiago behar izan zituen tolosarrak.
Munduko Kopako lehen proba izan da Lillehammer herrian ospatutakoa eta Alpino-Uzturreko eskiatzaileak hurrengo probetan parte hartzeko asmoa du, Pekingo Olinpiar Jokoetarako sailkapena lortzeko. Horretarako Munduko Kopako sailkapenean lehen 120 postuetan egon beharko du. Urtarrilean jakinaraziko dute behin betiko erabakia eta bien bitartean proba gehiatoan parte hartuko du Rojok.
Aurreko denboraldian, 18. eta 19. postuetan sailkatu zen eskiatzaile tolosarra munduko rankingean eta 2022ko Pekinerako txartela lortuko balu, hirugarren aldia izango luke Joko Olinpikoetan; aurreko bi txandatan Errusian eta Hego Koreako Joko Olinpikoetan aritu izan da.