Zigor Urkiaga Eusko Jaurlaritzako proiektu estrategikoen eta industria administrazioaren zuzendariaren hitzaldia izango da bihar, Tolosako Batzokian, 19:30ean hasita. Euskal industriaren eta enpresen erronkak asko dira eta horiek aztertzeko prestatu dute Batzokiko iluntzeak hitzaldi sortaren barruan kokatzen den ekitaldia. «Garapen ekonomikoa eta garapen soziala txanpon bereko bi aldeak direnaren uste osoan gaude, eta zentzu horretan, enpresa sendoak, lehiakorrak eta lurraldean errotuak bultzatzea behar-beharrezkoa dugula sinetsita gaude. Euskal industriaren eta enpresen erronkak asko dira eta haiek aztertzeko solasaldia prestatu dugu lehen mailako gonbidatu baten eskutik», esan dute.
Euskal industriaren eta enpresen erronkaren inguruan ariko da
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!