Pandemiaren eraginez azken bi urteetan elkarteak ezin izan du kanpamentuetara bidaiatu, eta Oporrak Bakean programan parte hartzen duten haur sahararrek ere ezin izan dute gurera etorri. Pandemiaren osteko urteak materiala biltzen igaro ditu elkarteak, eta azkenean, abenduaren 2an Saharako errefuxiatuen kanpamentuetara bueltatuko dira. Azken prestaketa lanekin hasi dira dagoeneko, eta ostiralean Maiatzak 20 elkarteko furgoneta eta Usurbilgo mikrobusa materialez bete zituzten.