Donostiako Nazioarteko Krosean Tolosa CF-ko atleta gazteek lortutako emaitzen ondoren, hemeretzi atleta joango dira igandean Sevillan (Espainia) egingo den Espainiako Kros Txapelketara.
Donostiako Krosean, batetik, Manex Civicok lehen postua lortu zuen 18 urte azpikoetan eta Ibone Ezeizabarrena, Ane Martin eta Teresa Ibarbia, bigarren, hirugarren eta laugarren izan ziren maila horretan. Espainiako Txapelketara 16 eta 18 urtez azpiko mutil eta neskak joango dira.
Donostiako Krosean, maila absolutuan, Izaro Perurena 17. izan zen, Aitor Regillaga 27. eta Iker Martinez 70. Alebin eta infantil mailetan, Tolosa CF-ko 50 atletak parte hartu zuten.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
