Bere talde berriak azaldu duenez, Larrartek maila ona erakutsi du azken urteotan nazioarteko lasterketetan. 2021eko apirilean lehen hamar postuetan sartu zen Volta CV lasterketan (1.1 UCI). Errepideko jarduera pistarekin uztartzen du tolosarrak, eta orain gutxi pistako Munduko Txapelketan parte hartu du.
Larrartek azaldu duenez, «gogotsu nago 2022ko denboraldia Bizkaia-Durangorekin hasteko. Nire helburu nagusia errepidean nazioarteko lasterketa eta itzuli gehiago egitea da, egutegi zabalago bat, nire ezaugarrietara moldatzen diren lasterketa gehiago egiteko aukera izanez. Hau guztiak nire pistako anbizioetan ere lagunduko dit, batik bat 2024ko Parisko Olinpiar Jokoetara begira».
Txirrindulari tolosarra 2022 denboraldian Bizkaia-Durango taldean ariko da, Laboral Kutxa-Euskadi Fundazioa taldearen txirrindulari izan ostean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!