Arregik Goikoetxea V.arekin jokatu zuen, Zaldua anaien aurka 40-34 galduz. «Partida borrokatua izan zen. Hasieran parean joan ginen eta gero erdi aldean bost tantoko abantaila hartu genuen. Atsedena eskatu zuten eta horren ondoren tanto batzuk egin zituzten segidan, hainbat saketik, eta markagailuan alde egin zuten», esan du Arregik.
Debutaren bezperan eta egunean bertan nahiko urduri egon zela dio, baina partidan zehar egindakoarekin «pozik» geratu zela: «Lehiakor sentitu nintzen eta ikusi nuen gai naizela beraiekin jokatzeko». Bestalde, tolosarrak bereziki eskertu du bera ikustera joan zen jende pila: «Senitartekoak joan ziren, baita kuadrillakoak eta beste lagun asko ere, eta sekulako giroa jarri zuten».
Odei Arregi tolosarrak erremontean debuta egin zuen larunbatean, Hernaniko Galarreta frontoia, Oriamendi enpresarekin.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!