Azken urteetan egin bezala aurten ere txotxongiloak jarriko dituzte Tolosako hainbat dendatako erakusleihoetan Topic-en dauden txotxongiloei ikusgarritasuna eman asmoz.
Bestalde, larunbatean, hilak 13, Hari batetik zintzilik emanaldia eskainiko du Topic-ek 18:30etik aurrera. Aurretik, 17:30ean, familiei zuzendutako tailer bat eskainiko dute. Ikuskizuna familia osoari zuzenduta dago eta hitzik gabea da. Alemaniako Usedomeko Kleinkunstfestival-ean ikuskizun onenaren saria jaso zuen 2017an eta Italiako Arezzoko Briciole di Fiabe eta Florentziako In Fonte Veritas jaialdietan 2018an. Sarrerak Topictolosa.com helbidean erosi daitezke.