Tolosako Plaza Zaharrean eta Alondegian izango da abenduaren 18an Gabonetako azoka berezia eta zabalik dago bertan postua jartzeko izen ematea. Postua ipintzea doakoa izango da, Tolosako Udalak jarriko ditu postuen muntaiarako beharrezkoak diren elementu eta mahaiak.
Ondorengo elikagaiak ekoiztu edo saltzen dituzten pertsona fisikoek, pertsona juridikoek edo ordezkari legalek egin dezakete eskaera: ahate produktuak, gazta eta esnekiak, eztia, kontserbak, hestebeteak edo odolkiak, ardoa eta likoreak, gozogintza, haziak eta landareak, beste batzuk…
Izena emateko azken eguna azaroaren 21a izango da. Eskaera egiteko oinarriak eta eskabideak aurrez aurre UDATEn edo erregistro elektronikoaren bidez Tolosako Udalaren webgunean egin daitezke.