Tolosako Udalak izapideak egiteko makina berria ipini du Usabal kiroldegian. Kiroldegiaren sarreran dago kokatuta eta herritarrei izapideak egiteko aukera zabaltzea eta ordutegi guztietara moldatzea da udalaren nahia, herritarren eta udalaren arteko harremana errazagoa eta arinagoa izan dadin.
Besteak beste, honako izapideak egiteko aukera dute herritarrek: errolda ziurtagiriak eskuratu, ordainagiriak ordaindu, horien kopiak eskuratu, ordainketa gutunak eta isunak ordaindu edo espedienteak kontsultatu.
Kiroldegiko bulego automatizatuan ez ezik, UDATEn dagoen izapideetarako makinan edo telematikoki ere egin daitezke izapideak. UDATEn, gainera, aurrez aurreko zerbitzua ere eskaintzen da edozein tramite egiteko, astelehenetik ostiralera 7:15eatik 14:15eara; ostegunetan, 19:00ak arte.