«Cuba será libre, MSI»
dio pintaketak Tolosan,
zezen plazatik gertu jotzen duen lekuan
errekako haizeak malekoitik.
Eta inork ez du ezabatu, aizu.
Eta zergatik jarri behar dute
anticastistrek 'in spanish'
euskara hutsezko gure
kartel bakanetan?
Ingelesa izango al da orain
gure lingua franca, erdal hiztunek
ezarria?
Berriro berrogeita hamazortzia
etorriko al da?
Eguzkia ez dadila behintzat bonbila bat izan
edo bizitza publizitate kanpaina bat
edo zure tabakoa mila esker
edo NBAko play off-ak Granmako titularretan
edo Burger King bat Habana Zaharrean
edo Ernesto Guevara 'Che'rik gabe
edo Guantanamo guantanamera gabe
edo Sierra Maestra ikasle gabe
edo Cienfuegos itzalita
edo Hasta la victoria siempre Coca-Cola.