Tolosako Udalak jakinarazi duenez, datorren asteartetik, azaroaren 2tik aurrera COVID-19aren aurkako txertoak jartzeko gunea ferialekutik anbulatoriora lekualdatuko da. Beraz, koronabirusaren aurkako txertaketak anbulatorioan egingo dituzte, eta orain arte bezala, hitzorduarekin joan beharko da.
Bestalde, gogoratu dute gripearen aurkako txertoa jartzeko kanpaina ere abian da Osakidetzan, gripearen ondoriozko konplikazioak izateko arrisku handiena duten pertsonak babesteko.