Ertzaintzak 53 urteko gizonezko bat atxilotu zuen atzo arratsaldean Tolosan hilketa ahaleginaren delitua leporatuta. Arratsaldeko 17:00etan gertatu zen, Tolosako Bidebieta auzoko etxe batean. Ertzaintzatik adierazi dutenez, gizonak eztabaida izan zuen etxe berean bizi den beste pertsona batekin, eta sukaldeko labana batekin ebakia egin zion toraxean.
Agenteek etxean zegoen gizon bat eta etxeko gela batean zegoen beste bat identifikatu ahal izan zituzten, eta bigarrenak toraxean zauria zuela egiaztatu zuten. Agente jarduleek zegokion ikerketa egin ondoren, eta gertatutakoaren aurrean, ustezko erasotzailea atxilotu zuten hilketa ahalegina leporatuta.
Zauritua Tolosako Asuncion klinikara eraman zuten, bertan sendatu zioten arma zuriz egindako zauri arina eta atzo arratsaldean bertan eman zioten alta.
Atxilotua, berriz, polizia-egoitzara eraman zuten dagozkion polizia-eginbideak hasteko, eta gaur, ostirala, goizean jarri dute Tolosako Guardiako Epaitegiaren eskuetan.