Urnietako Xoxokan jokatu dute gaur goizean herri kirol apustua Iñigo Merkader eta Mikel Lizartzak. Korrika ekin diote desafioari, 6 kilometroko ibilbidea eginaz. Hasieratik hartu du aurrea Lizartzak, baina alde handirik atera gabe, Merkadarrek bere erritmoari bikain eutsi baitio. Ondoren, ordu eta erdi osatu arte segan aritu dira. Segundo gutxiko abantailari segidan eman dio buelta lan horretan Merkaderrek. Lizartzari kosta egin zaio trantsizioa egitea. Hala eta guztiz ere, segan atzetik aurrerako lana egin du tolosarrak, eta sailetan bera izan da gehien moztu duena. Kiloek, ordea, alderantzizkoa erakutsi dute. Txartel gorri bat, hau da, 20 kiloko zigorra izan arren, hernaniarrak irabazi du apustua 3017 kilorekin. Lizartzak 2981,5 bildu ditu. 3.000 euroko jokoa, beraz, hernaniarrak irabazi du.
Iñigo Merkaderrek 3017 kilo pilatu ditu, Lizartzak 2981,50. Korrika tolosarra izan da azkarrena, baina segan buelta eman dio apustuari hernaniarrak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!