Atzo bukatu zen Idazkaritza Nagusiari hautagaitzak aurkezteko epea, eta Tolosako Jose Ignacio Asensio da aurkeztu den bakarra. Ondorioz, bera izango PSE-EEren Gipuzkoako idazkari nagusi berria.
Asensio Gipuzkoako bigarren Ahaldun Nagusiorde eta Ingurumen eta Obra Hidraulikoetako diputatua da eta urriaren 18ra arte, militanteen artean beharrezko abalak jasoko ditu. PSE-EEk esan duenez behin baldintza hori beteta, urriaren 22an izango litzateke behin betiko hautagaia. Alderdiaren zuzendaritza organo guztiak berritzeko prozesua IX. Kongresuan osatuko dute, azaroaren 28an. Asensio hautagai bakarra denez, Gipuzkoako PSE-EEk ez ditu primarioak egingo.