Mugikortasun Astearen baitan antolatutako azken-aurreko jarduera izan da, baina aldi berean, Mugi Tolosa ekimeneko partaideentzat antolatutako lehen ibilbidea. Bi txanda egingo dira asteazkenero, abenduaren 22ra bitarte. Lehena, 10:30ean izango da eta 4-5 kilometroko ibilbidea osatuko dute. Bigarrena, berriz, 11:00etan; hauek, 1-2 kilometro egingo dituzte. Gehienez ere 15 laguneko taldeetan egingo dira irteerak. Saio berezia izan da gaurkoa, ibilbidea trizikloan egin baitute.
Gauzak horrela, adineko herritarrek nahiz aniztasun funtzionala dutenek trizikloan ibiltzeko aukera izan dute. 2013an Kopenhagen sortu zen ekimena, eta aurten, Tolosara ekarri du udalak, Real Sociedad Fundazioarekin elkarlanean. Etxetik edo zaharren egoitzetatik irteteko zailtasuna duten pertsonen bizi-kalitatea hobetzea du helburu, eta horretarako, partaideei ibilaldiak egiteko aukera eskaini zaie.
