Ikasturte berriari ekitearekin batera, kultura sustatzeko apustuarekin jarraitzen du Tolosako Udalak. Izan ere, udan abian jarritako Kultura Plazara jaialdiaz gain, udazkeneko kultur programazioa aurkeztu du. Musika, dantza eta antzerkia uztartzen dituen egitaraua antolatu dute, haur, gazte zein helduentzat. Guztira, 13 ekitaldi egongo dira, gehienak Leidorren, ostiral honetan hasi eta abenduaren 29ra bitarte.
Sarrerak eta Eszena bonua
Egitarauko ekintzetarako sarrera guztiak Kutxabanken webgunean edo Leidorreko leihatilan eskuratu daitezke. Bestalde, Eszena bonuak online eskuratu daitezke dagoeneko; hauek, urte amaiera bitarte erabili daitezke, ondoren ez baitute baliorik izango. Udalak antolatutako ikuskizunetarako 10 sarrera (saio bakoitzerako bi gehienez) deskontuarekin eskuratzeko aukera ematen du Eszena bonuak. Abantaila nagusia prezioa da: 10 saiotarako bonuak 50 euroko prezioa du, hortaz, sarrera bakoitza erdi prezioan eskuratuko da.
Udazkeneko kultur egitaraua
|
Eguna |
Ikuskizuna |
Ordua |
Ikuskizun mota |
Lekua |
|
Urriak 1 |
Por Comentarlo – Oscar Terol (bonutik kanpo) |
20:30 |
Bakarrizketa umoretsua |
Leidor |
|
Urriak 8 |
Kenophobia – Osa + Mujika |
20:30 |
Dantza garaikidea |
Leidor |
|
Urriak 15 |
Ameriketako bidaia – Tanttaka |
20:30 |
Antzerkia |
Leidor |
|
Urriak 22 |
Mocedades eta Los Panchos (bonutik kanpo) |
20:30 |
Musika |
Leidor |
|
Urriak 23 |
Zuhaitzak landatzen dituen gizona – Gorakada |
18:00 |
Haur antzerkia/txotxongiloak |
Topic |
|
Azaroak 5 |
Hiru hitzetan – Node |
20:30 |
Dantza garaikidea |
Leidor |
|
Azaroak 12 |
Yo, la peor de todas - Vaiven |
20:30 |
Antzerkia |
Leidor |
|
Azaroak 13 |
Bart non ote nintzen ni? - Txirri, Mirri eta Txiribiton (bonutik kanpo) |
18:00 |
Haur antzerkia/pailazoak |
Leidor |
|
Azaroak 19 |
Nøgen (bonutik kanpo) |
20:30 |
Musika |
Leidor |
|
Abenduak 3 |
Irabazi – Jon Plazaola (bonutik kanpo) |
20:30 |
Bakarrizketa umoretsua |
Leidor |
|
Abenduak 17 |
Barretourra – Barrexerka |
20:30 |
Gazte-antzerkia |
Leidor |
|
Abenduak 18 |
Ene kantak |
Zehaztu gabe |
Haurrentzako ikuskizuna |
Leidor |
|
Abenduak 29 |
Irteera argiak – Eñaut Elorrieta |
20:00 |
Musika |
Leidor |
Argazkigintza tailerreko erakusketa
Udaberrian argazkigintza tailerrean egindako lanen erakusketa zabalduko da urriaren 1etik 30era Aranburu Jauregian, erakusketa aretoaren goiko solairuan. Iñigo Royo izan da tailerreko dinamizatzailea eta 14 lagunek hartu dute parte ikastaroan. Urrian, egin dituzten bost lan-bilduma egongo dira ikusgai: desioa, lan-koadernoak, lerro zuzena, beste birus batzuk eta esker-ona.
Maixabel filmaren saio berriak
Aurreko astean Maixabel filmaren lau saio burutu ziren Leidor aretoan eta sarrerak agortu ziren guztietan. Jendearen interesa eta harrera ona ikusita, eta hainbat tolosar sarrerarik gabe geratu zirenez, beste bi saio egingo dira: urriaren 5ean eta 6an, 19:00etan.
Bestalde, ohiko zine programazioa mantenduko da. Queridos Camaradas pelikula eskainiko da osteguneko zine forumean, 19:00etan. Larunbatean, igandean eta astelehenean, La Mujer del Espia filma ikusi ahal izango da, 19:00etan. Haurrentzat, aldiz, Peter Rabbit 2: a la fuga pelikula eskainiko da igandean, 16:00etan.
Kultura Plazara jaialdiko azken kontzertua
Igandean (urriak 3), En Esenzia orkestrak eskainiko du Kultura Plazara jaialdiaren aurtengo edizioaren azken kontzertua, herriko hainbat musika talde, kultur eragile eta norbanakoen kolaborazioarekin. 20:00etan izango da Tolosako zezen plazan eta sarrerak Kulturaplazara.eus-en daude eskuragarri.